Un dos aspectos máis auténticos e emocionantes das danzas urbanas son os corrillos e o freestyle. Estes espazos de improvisación son o corazón da cultura urbana, onde a creatividade, a enerxía e a conexión entre bailaríns cobra vida.
Os corrillos, formados por persoas que rodean a pista de baile, crean un ambiente íntimo e intenso no que cada bailarina pode mostrar o seu estilo persoal. A través do freestyle, os movementos nacen no momento, sen coreografía previa, permitindo que cada un exprese a súa identidade e sentimentos. Esta liberdade fai do freestyle unha ferramenta de comunicación e autoexploración.
Ademais, os corrillos fomentan o respecto e a comunidade. Non se trata de competir, senón de inspirarse mutuamente, celebrar o talento e aprender uns dos outros. É un espazo inclusivo no que todas, dende principiantes ata profesionais, poden participar e crecer.
Se queres mellorar as túas habilidades, gañar confianza ou simplemente gozar do espírito das danzas urbanas, podes apuntarte as nosas clases de urbano os luns de 19:30h a 21h e os xoves de 19h a 20h, en Sondanza. Tamén temos clases para o alumnado de secundaria os mércores de 19h a 20h.
Comentários